कांग्रेस ‘अति वामपन्थी’ बनेको त्रिवेदीको आरोप, राहुलमाथि पनि निशाना

एजेन्सी, असोज ५ गते ।  भारतीय जनता पार्टीका राष्ट्रिय प्रवक्ता सुधांशु त्रिवेदीले कांग्रेसमाथि तीव्र प्रहार गर्दै पार्टी ‘अति वामपन्थी’ दिशामा गएको आरोप लगाएका छन्। पूर्वउपराष्ट्रपति हमिद अन्सारीको भनाइ र जवाहरलाल नेहरूको राजनीतिक दृष्टिकोणलाई सन्दर्भ बनाउँदै उनले कांग्रेसको वर्तमान राजनीतिक धारमाथि प्रश्न उठाएका हुन्।

त्रिवेदीले राहुल गान्धीको राजनीतिक सोच नेहरूसँग मिल्ने दाबी गर्दै इन्डियन युनियन मुस्लिम लिगसँग कांग्रेसको सहकार्यको विषयसमेत उठाए। उनले मुस्लिम लिगको ऐतिहासिक पृष्ठभूमि र राहुल गान्धीका विगतका अभिव्यक्तिको सन्दर्भ जोड्दै कांग्रेसमाथि आलोचना गरेका छन्। उनका यी टिप्पणीहरू कांग्रेस र भाजपाबीच जारी राजनीतिक आरोप–प्रत्यारोपकै क्रममा आएका हुन्।